Për ne

Nën moton “Të zëshëm dhe krenarë”, të shtunën, më 24 qershor 2023, do të mbahet edicioni i katërt i Shkupi Pride. Pika e nisjes, si edhe më parë, do të jetë në parkun “Gruaja-luftëtare”, ku mbledhja e pjesëmarrësve do të fillojë në orën 17:00, ndërsa në orën 19:00 pas fjalimeve të shkurtra përshëndetëse, do të fillojë marshimi protestues në rrugët e Shkupit dhe do të përfundojë me program kulturo-argëtues në stadiumin e ARM-së në parkun e qytetit.

Pse të dilni në paradë?

Sepse në kohë krize, lufte dhe varfërie, dashuria harrohet lehtë dhe urrejtja pushton mendjet dhe zemrat e njerëzve edhe më lehtë. Sepse vetëm me dashuri mund t’i rezistojmë dhunës së cilës i nënshtrohen të ndryshmit edhe kur ka paqe për të gjithë të tjerët. Sepse askush nuk duhet të privohet nga e drejta për të dashuruar ose për t’u persekutuar sepse dashuria e tij nuk njihet nga normat dhe ligjet. Sepse dashuria duhet të fitojë.

Pse paradat të krenarisë?

Shumë gjëra, në shumë vende, kanë ndryshuar që kur Pride i parë u mbajt në 1970 në Nju Jork. Megjithatë, progresi në fushën e të drejtave të njeriut LGBT+ nuk është i barabartë dhe as i mjaftueshëm dhe vazhdimisht përballet me sulme nga forcat që kundërshtojnë të drejtat universale të njeriut. Kjo është arsyeja pse Pride mbetet një formë e rëndësishme proteste nga komuniteti LGBT + kundër stigmës, paragjykimeve dhe dhunës. Pride është një thirrje në emër të miliona njerëzve që përballen me përjashtimin social, autonominë trupore të dëmtuar dhe aksesin e kufizuar në shërbimet e disponueshme për të gjithë.

Shkupi Prajd (Skopje Pride), si paradat e tjera të krenarisë, është një festë dashurie, një ditë vizibiliteti për të margjinalizuarit dhe, natyrisht, një rast për të festuar qëndrueshmërinë e luftës sonë për barazi.